CONTRATO DE PRESTACIÓN DE SERVIZOS ARTÍSTICOS E/OU DE FORMACIÓN

Reunidos

Por unha banda, a Asociación Cultural Galicia Fiddle, con enderezo na rúa Teófilo Llorente 16, en Vigo, provincia de Pontevedra e NIF G94084456, en diante "Galicia Fiddle".

Por outra banda, , con enderezo en , e NIF , en diante "Artista/Grupo".

Ambas as partes, recoñecéndose mutuamente capacidade xurídica suficiente para formalizar o presente contrato, acordan o seguinte:

Obxecto do contrato

O obxecto deste contrato é contratar ao Artista/Grupo para que realice:

Actuacións en directo (horas por determinar) de varios concertos acústicos dunha duración aproximada de 20 minutos o día de na Illa de San Simón, situada na Ría de Vigo e pertencente a Redondela.

Condicións económicas

Galicia Fiddle abonará ao Artista/Grupo o importe total de € máis IVE como caché.

O pagamento realizarase exclusivamente mediante transferencia bancaria unha vez presentada a factura nun prazo máximo de 30 días desde a finalización do evento.

Gastos de traslado desde fóra de Galicia

Galicia Fiddle cubrirá o custo dos desprazamentos en tren, avión ou autobús en clase turista, unicamente se son dende fóra de Galicia, sempre que as reservas se fagan con suficiente antelación.

Galicia Fiddle cubrirá os gastos de viaxe desde Cesantes ata a illa, así como o aloxamento e a comida durante a estadía na illa.

Cando os gastos de viaxe sexan a cargo do artista ou do grupo, estes deberán constar claramente na factura. Alternativamente, poderán solicitar aos provedores (hoteis, axencias de transporte, restaurantes, etc.) a emisión de facturas a nome da asociación. En calquera caso, é importante reservar voos ou billetes con suficiente antelación para garantir unha tarifa cómoda e accesible.

Factura

Na factura deberá constar a base impoñible, o tipo de IVE aplicable e a retención do IRPF no caso de persoas físicas.

Retención fiscal para persoas físicas

As obrigas fiscais varían segundo a residencia fiscal do artista: España, Unión Europea e terceiros países.

Residentes en España: Deberá realizarse unha retención á conta do IRPF sobre os ingresos obtidos. A taxa de retención é xeralmente do 15%. Para a aplicación do tipo reducido do 7% nos dous primeiros anos de actividade, deberá achegarse notificación por escrito.

Residentes na UE e terceiros países: Á factura deberá aplicarse unha retención á conta do Imposto sobre a Renda de Non Residentes (IRNR). O tipo de retención é do 19% para os músicos residentes na Unión Europea cando tocan en España e do 24% para os músicos doutros países. A dobre imposición corríxese posteriormente aplicando unha dedución aos impostos do seu país.

Requisitos técnicos

O Artista/Grupo enviará a Galicia Fiddle un documento detallado coas súas necesidades técnicas (rider) polo menos 30 días antes do evento.

Promoción e redes sociais

O Artista/Grupo comprométese a seguir, mencionar e etiquetar axeitadamente Galicia Fiddle e Encordass Fiddle Fest en Facebook e Instagram en todas as publicacións en redes sociais realizadas durante o evento e a súa estancia na illa.

• Instagram: @encordassfiddlefest / @gal
• Facebook: encordassfiddlefest / galiciafiddle
• Webs: galiciafiddle.com / encordassfiddlefest.com

Obrigas de Galicia Fiddle

Galicia Fiddle garantirá as condicións necesarias para o bo desenvolvemento da actuación e/ou obradoiro, entre as que se inclúen: equipamento técnico adecuado, espazo necesario e xestión de permisos.

Cancelación e modificacións

Calquera cancelación ou modificación deberá ser comunicada cunha antelación mínima de 45 días. No caso de anulación por parte de Galicia Fiddle sen causa xustificada, deberá aboarse o 50% da cota pactada. En caso de cancelación por parte do artista ou grupo, deberán aboar os gastos de desprazamento correspondentes.

Protección dos dereitos de imaxe e propiedade intelectual

O Artista autoriza a Galicia Fiddle a utilizar imaxes e material audiovisual da actuación, obradoiros ou aulas con fins de promoción, difusión ou xustificación para os efectos de recibir subvencións, salvo pacto en contrario.

Lexislación aplicable e resolución de conflitos

Calquera controversia derivada do presente contrato resolverase de acordo coa lexislación española vixente e someterase aos xulgados de Vigo, Pontevedra.

Como proba do cumprimento, ambas as partes asinan o presente contrato.