FAQ

Cales son as datas do SAN SIMÓN FIDDLE 2025?

As datas do San Simón Fiddle adoitan coincidir coa primeira semana de xullo. No 2025 comezará o luns 30 de xuño e rematará cun concerto para as familias o domingo 6 de xullo.

Como saberei que admitiron ao meu fillo/a no curso? Recibirei algún xustificante?

Recibirás unha mensaxe por correo electrónico, unha vez realizado o pago da reserva de 150 € ou da totalidade da matrícula.

Como sei se quedan prazas?

Na páxina do formulario indicaremos que non quedan prazas. Nesa situación, poderase encher o formulario pero a reserva quedará en listaxe de agarda.

Cal é a data límite para formalizar a matrícula?

A matrícula debe formalizarse antes do 1 de Xuño, data na que debe estar ingresado todo o importe da matrícula que corresponda.

Cal é a política de cancelación?

Devolverase o importe íntegro dos pagamentos realizados sempre que a cancelación, por calquera causa, se comunique antes do 1 de xuño.De producirse máis tarde só se devolverán os cartos sempre que sexa por causas xustificadas. No resto dos casos a cancelación terá un custo de 50€.

Como podo contactar durante o San Simón Fiddle?

Por teléfono e Whatsapp no número 652 620 005, e tamén por correo electrónico no enderezo info@galiciafiddle.com

Grupos e organización

Cal é a idade mínima para participar no curso?

San Simón Fiddle está destinado a xente nova entre os 8 e 17 anos.

Como se farán os grupos?

Para a convivencia e o reparto de habitacións, faranse grupos por rangos de idades, mentres que para as aulas os grupos serán de libre escolla segundo a capacidade de aprendizaxe por ouvido, independentemente do nivel de estudos. Existirá a posibilidade de cambiar de grupo tras a primeira aula de xeito que poidan establecerse no grupo máis axeitado para o seu nivel de aprendizaxe auditiva.

Cal é a ratio para a atención de menores de 10 anos?

Cumprindo co Decreto 50/2000 haberá 1 mestra/e ou monitor/a por cada 10 participantes.

Deberán traer instrumento?

Si, todas e todos os participantes deben traer cadanseu instrumento. Unicamente se veñen ao grupo de Iniciación ao Fiddle, reservado exclusivamente para persoas socias, emprestaríamoslles o violín mentres dura o curso.

Necesitase experiencia previa?

É recomendable ter como mínimo un ano de coñecemento do instrumento, e non é tan importante o nivel técnico, así como posuír capacidade de retención musical para aprender de ouvio.

Cando é o concerto para familias?

O concerto de peche para as familias celebrarase a tarde do domingo 7 de xullo. Cada participante disporá de al menos 2 prazas para que as familias poidan achegarse. Deberán pagar o barco no momento de embarque 10€ (ida e volta).

Necesito levar algo o día do concerto?

Cada familia traerá a súa cea para compartir favoreciendo a interrelación nunha experiencia de convivencia, que poderán complementar coa barra de bebidas posta por Galicia Fiddle durante e despois do concerto. Á finalización cada familia deberá facerse responsable dos seus refugallos levándoos de volta no barco e depositándoos en terra nos contedores correspondentes. Aproveitamos para animarvos a empregar envases reutilizables.

Desprazamentos, aloxamento, comidas e hixiene

Está incluido o traslado en barco a e dende, a illa no prezo da matrícula?

Si, por suposto. Dende a chegada ao peirao e ata que volvan a el non tedes máis de que preocuparvos. Os desprazamentos ata o lugar de embarque, iso si, corren pola vosa conta. Se vides de fóra de Galicia e o precisades podedes solicitar unha axuda ao transporte. Máis info na sección de bolsas.

Como será o aloxamento dos grupos de idade?

Por grupos de idade distribuiránse en liteiras e habitacións dobres entre os edificios da illa: sala multiusos, Seminarios, Escola de vela y Stella Maris. Debido á nova situación derivada do cambio de xestión da illa este ano reubicaremos as prazas conforme ao novo Plan de Autoprotección encargado por Galicia Fiddle, grazas o cal levaremos adiante esta edición co número de participantes previsto.

Necesitarán traer roupa de cama ou produtos de hixiene persoal?

Si, necesitarán traer saba baixeira, funda de almofada e saco de durmir. É moi importante colocar a saba, do contrario cobrarase o servizo de limpeza da funda do colchón.
Polo contrario, non deben traer produtos de hixiene persoal, xa que ao estarmos comprometidos coa protección da contorna natural da illa proporcionaremos produtos de hixiene libres de tóxicos.
Si que deberán traer protector solar, con etiquetado ecolabel sempre que sexa posible.

Que outros obxectos persoais necesitarán?

Unhas semanas antes do comezo do curso recibiredes toda a información detallada sobre a roupa, produtos para a hixiene (libres de tóxicos), así como outros obxectos que poidan necesitar.

Está permitido o uso dos teléfonos móbiles?

Absolutamente non. Ademais, non é necesario que os traian, xa que en calquera caso custodiaremos os teléfonos móbiles dende a chegada á illa ata a volta despois do concerto para favorecer a interacción social e a convivencia. O mércores de 16:00 a 17:00 será o día para as comunicacións familiares. Sempre poderedes falar tamén cos mestres responsables do grupo que teña asignado o menor.

Necesitarán cartos durante a súa estadía na illa?

Non. Na illa non hai lugares onde comprar nada.

Como serán as comidas? Teranse en conta as dietas especiais?

Damos moita importancia a calidade do produto como a súa preparación. A illa dispón de cociña e nós de catro profesionais de alto nivel, así como cunha dietista certificada. Os menús prepáranse con produto fresco e de proximidade.
No caso de dietas, intolerancias, alerxias ou necesidades especiais debédelo indicar no apartado correspondente do formulario, e serán tidas en conta.
Asemade, o día da cea de gala prepárase un menú especial con gastronomía típica do país convidado.