Encordass Fiddle Fest Edición especial Grecia

ENCORDASS 2026

UN CURSO, UN FESTIVAL E UN ENCONTRO DE INSTRUMENTISTAS DE CORDA

Encordass Fiddle Fest é un encontro musical onde se combinan aulas de instrumento con concertos e obradoiros abertos tamén ao público en formato festival. Trátase dunha experiencia única construida dende a convivencia e o intercambio cultural, no que cada edición está dedicada á música popular dun país ou rexión.

As aulas están destinadas principalmente a instrumentistas de corda (violín, viola, chelo, contrabaixo, guitarra, bouzuki, zanfona e acordeón diatónico), con diferentes modalidades de participación, é posible asistir con outros instrumentos ou sen instrumento. Organizadas por niveis son impartidas por artistas do país invitado. O repertorio traballado representarase nun concerto final aberto ao público xunto aos músicos participantes ao encontro. Músicos, mestres e as/os participantes que o desexen, actuarán como parte da Encordass Fest Orquestra, nun grande concerto final o último día.

O festival está aberto ao público en xeral de tódalas as idades. Nunha contorna única ofrece concertos en distintos escenarios nos lugares máis emblemáticos da illa, moitos en formato acústico co obxectivo de aproximar ás e aos oíntes aos instrumentos en su forma máis pura. O festival celébrase o venres, sábado e domingo, e as entradas inclúen traslado en barco no mesmo día (sen pernocta na illa), venres e sábado concertos de serán e visita musicalizada. O domingo máis de 40 concertos, obradoiros, postos de luthería e moito máis. Máis información na web do festival.

Tanto as aulas Encordass como o festival celébranse na Illa de San Simón de xeito simultáneo. As aulas inclúen aloxamento e pensión completa e a idade mínima para participar é de 18 anos. As prazas cubriránse por rigurosa orde de inscrición no momento en que se formalice a reserva.

Proximamente apertura de reservas.

Visita a web do festival

50% dto Entradas Fest especial para instrumentistas de corda

A historia recente do violín folk galego non se pode entender sen Escocia. Nun primeiro momento, nos anos 80, co nacemento do folk na nosa terra, os poucos violinistas que se achegaban á música popular miraban cara a Escocia e Irlanda como referentes fundamentais dos que aprender.

Xa entrado o século XXI, o prestixioso violinista escocés Alasdair Fraser interesouse polo violín galego e convidou a Alfonso Franco a participar como profesor nos anos 2011 e 2012 no Sierra Fiddle Camp de California. A raíz destas viaxes xurdiu a idea de crear na Illa de San Simón un evento de características semellantes, que deu lugar ao nacemento do San Simón Fiddle e, posteriormente, ao actual Encordass Fiddle Fest.

Por todo isto, poder contar cun artista como Alasdair Fraser, dunha importancia inconmensurable para o desenvolvemento artístico e cultural do fiddle a nivel mundial, énchenos de enorme orgullo.